Mei 77.

Veröffentlicht am 16.04.26

Mei 77. Gebordsdouch

Biggi liest die Geschichte selbst

Dou woern doch mindesdens 100 Leud und Kinner in meiner Wohnung. A Lacherei und a Gschrei, dessda dei eings Word nedd versdeh khonnsd. Mir fanga ô mid Khaffee und Khung und Dordn. Der Diesch is gedeggd, der Khaffee is eigschengd. Ich sedds mich nô und schau in mei halbvulla/halbleera Dassn und fang scho widder ess schimbfm ô. Wer denn Khaffee eigschengd hodd?, will ich wissn, und gieß aweng a Milch drauf. Mei Grußer mahnd, dess dess sei Khaffee is und er hädd scho die Hälfd devô gedrungn. Ich schibb na die Dassn widder zerügg, dou mahnd er, dess er kha Milch mouch. Dann nimm ich denn Khaffee auf meiner annern Seidn und will na mein Bumm gehm. Edds schreid der Vodder, dess dess seiner is.

Mir homm nuch khann Drobfn gedrungn, nedd amoll ann Algehuul, obber scho su a Gaudi.
Dess is dann ah nuch lusdich woern!