DER BIGGI IHR BLOG

Meina Nervm

...meiner hod ja die Ruh weg, dou gibbds goer nix.
Mir foern middn Audo und wie er lings blingd, do gidd der Scheimwischer ô und des Wasser sbridsd raus.
Er haud einfoch amoll drauf und es gidd widder aus.
Be jedn lingsblingn gidd der Scheimwischer ô und des Wasser sbridsd widder raus.
Dou hob ich erschd amoll goer nix gsochd. (Woss mir nedd leichdgfalln is)
Seid ahner Wochn löffd der Scheimwischer eds sdändich, kho obber ka wasser mehr raus, waller dou dauernd ahns neidô müssed und des brauchder ned.
Rechd hodder - hommer früher a ned khobbd!
Obber eds mussd ich einfoch woss dezu soung und frouch na, wilang dauerdn dess, bis dess villeichd amoll rebarierd werd?

Dou mahnd er, ich solled hald einfoch amoll aweng cool bleim, er hädd sich direggd scho drô gewöhnd.

No denn!

Biggi