DER BIGGI IHR BLOG

Is dess a Wehder

…dou kennd sich doch kahns mehr aus!
Früher hodds khasn, nouchm Bierfesd is der Sommer rumm.
Und woss is heuer?
Su orch hou ich doch scho lang nimmer gschwidsd und eine Lufdfeuchdichkeid homm mir dou in Kulmboch und Umgebung, schlimmer wie ôm Äquador.
Denn gansn koldn Summer hobb ich immer auf die Erderwärmung gewardd und edds wu ich sa su richdich sbüer, hou ich ka Lusd nein Freibôd ze geh, wall mir dou einfôch ze vill Leud senn.
Und nô die Kieswäsch mouch ich a nedd su orch gern, weche die Debbm wu ihra Hundsgrübbl überoll nôhscheißn lossn.

Ôm schönsdn is dess doch dahamm auf meim Balkon, dou brauch ich wengsdns ka freundlichs Gsichd ze machn, wenn ich allas bi.

Biggi