DER BIGGI IHR BLOG

Lehrer!

...mir homm Schulkino Wochn, es is halber zehna und ich nimm des Delefonbuch, wall die Glass immer nonnich dou is.
Wie ich die Nummer neidibb, reissd ahns die Dür auf und a aufgerechda Lehrerin frochd wu des Kino is, wu ihr Film löffd.
„Und des Geld?" froch ich sa.
„Woss fer Geld? Dess kosd doch nix!"
„Mir senn doch ka Wohlfoerds Insdidud."
„Ich hobb fei goer ka Geld debai."
„Sauber und wivill Kinner sänn des?"
„Dess wass ich nedd, ich bi die Verdredung! Ich glaab obber 23. Karola, wivill säddn ihr?"
Die Karola: "22".
„Na", sochd ihr Freundin,
„Mir senn 21".
„Hobb, nei und hiekhoggd, eds werd gezilld."

Godd sei dang homm die Gunga Geld debei khobbd, su konndn sa ihrer Erziehungsgrafd wengsdns nuch a Bobcorn kaafm und mir homm des Eindriddsgeld a nuch grichd.

Dess is Vorbereidung aufs Lehm:

Alles gedd - erchendwie.

Biggi