Willkommen auf meiner Webseite!
Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
DER BIGGI IHR BLOG
Zurück zur Übersicht
04.09.2009
A Elend
...worum rengds heud?
Wall ich frei hobb.
Es is worschd o welcher Kassa ich sti, be mir dauerds immer om längsdn, a wenn vor mir bluß nuch aaner stedd, baggn die Leud, die o die annern Kassn nouch mir kumma senn, scho ihr Zeuch nein Audo, dou hob ich nonnich gezould.
Auf amoll is ka Breis auf den Zeuch ve die Leud vor mir, odder sie homm ihr Obsd nedd ougewung, odder es Glageld is alla. Obber bluß be der Kassa, wu ich sti.
Wenn ich nein Urlaub foher, is nedd annersch. Benn Zoll odder dou wu mer seine Audobôhngebührn zouhld, dou foher ich dord hie wu ka Audo stedd. Dess is a Fehler!
Wall die annern Audo senn scho lang widder auf der Bisdn, do dunn die amdlichen Organe nuch immer mid mir rum.
Edds mach ich des annersch. Ich stell mich immer dord hie, wu ganz vill senn.
Und des Ergebnis?
Ich bi dann immer als ledsda weider. Es werd hald wos mid mir ze do homm.
Biggi
Zurück zur Übersicht