DER BIGGI IHR BLOG

Aufdridd

...ich wär immer besser!

Ôm Wochnend les ich in Forchheim zem

"12. Oberfränkischen Mundart-Theater-Tag"

und scho om Sunndoch (vor-vorgesdn) hob ich vier Gschichdn ausgsuchd und ausgedruggd.
Dou muss doch woss bassierd sah in mein Hirn.
Früher, dou hädd ich erschd ôm Sunndouch ze Früh demmid rum gedôh, korz bevor ich luusgfohern wär.
Dann wär besdimmd des Babier alla gewesn odder die Badrona leer.

Ich wass genau, dess mir eds om Sunndoch wos fehld, die Heggdigg!
 Und woss mach ich mid der gansn freia Zeid?

Hoffendlich dring ich ned suvill Kaffee, dess mer widder su blümerand werd, wie die Dande Moni immer sochd und spei nuch auf die Bühna.

Nô ko ich wengsdn soung, es kummd venn Kaffee.

Wall aufgerechd bi ich ja ned - bluß "cool".

Biggi