DER BIGGI IHR BLOG

A ruuder Bungd

...also, ich muss des eds amoll soung:

Mei Alder is eikaafsüchdich.


Der wass a alla Breise.
Wos der Zugger benn Aldi kosd, odder die Budder ve der Norma, dess kho der sich alles mergn.

Ich kho dess nedd.
Ich bi scho fruh, wenn ich nuch wass wu der Loudn woer, wu mir des neua Kannabee kaafd homm.

Obber der gansa Wahnsinn is durchaus nuch steicherungsfähich.
 Und dess is dann, wenner durch drei Regôle an rudn Bungd auf aaner Mayenäs odder wos annerm sichd.
Blöd is, dasser des kamoll auf aaner Rodweinflaschn find. Dou defür hädd ich dann direggd Versdändnis.
Obber, wi gsochd - do bichn sa kanna drauf!

Und su homm mir immer die subber dolln Sonderôngeboude dahamm und wenn sa hie senn, schmeiß ich sa wegg.

Biggi