DER BIGGI IHR BLOG

Jugend

...der gansa Grombf midn Jugendwahn gidd mir dermôßn auf die Eier.

Des ko miedmachn wer will, ich hald mich dou raus.

Die Weiber dunn ja wie blöd, a jeda will mid verzich aussäng wie zwansich. Und ze woss?

Wolln sa dann an ôchzenjährichn Kerl? Und denn dann velleichd a weng erzieng?

Des könned ja der Grund sa, dess sa sich dann an nouch ihrm Gschmogg baua.
Und demidd er enna blebbd, renna (fohern) sa jedn Douch nein Fidness Sender und ärbern sich auf, senn fix a ferdich wenn sa hamm kumma und müssn nuch den junga Kerl be Launa haldn.
Der is suwisu weg, wenn der amoll a richdicha Zwansichjähricha sichd.

Dann deng ich, mein Godd - die gansa Bloucherei - glôdd fern Oersch...

(und der is dann a nimmer dou)

Biggi