DER BIGGI IHR BLOG

Midarbeider

...ich könned die Händ übern Kubf zammschloung!

Heud Nammidouch rufd mich a Middarbeiderin im Büro ô, ich solled ihr moll helfm, be ihrer Ôbrechnung fehledn 55 €.

Mir homm des gansa Geld drei moll gezilld, es is nedd merrer worn.

Zenn Schluss wormerr vier Leud, die wu alles nuch amoll nouchgerechnd homm.
Aufm Buudn semmer rumm gerudschd, die Schubber hommer raus - dess Geld woer weg!
Sie hädd immer ôgsberrd wenn sa ve der Kassa weg is und ihr is ja gans schlechd.
Ich sids aufm Sdull und schau die Aufrechung ô.

Nebe mir liechd a Gelddaschn und ich deng nuch, worum issn die su digg?

Ich mach sa auf und frouch:

„Wos issn dess fer Geld dou hinna?"

Dou grichd sie an gnallrudn Kubf und gidd in die Gnie.

(Eds wos fer Inseider: Ich bi nerr fruh, dess mer die Bolizei nedd khulld homm!!!)

Biggi