DER BIGGI IHR BLOG

High Tech

…Vorgesdern kumm ich hamm und sich, wie mei Delefon blingd, wall mich ans ôgerufn hodd, wi ich ned dou woer.

Ich mach es Lichd ô - die Spoerbeleuchdung!
Ve Lichd kossda dou eichendlich die erschda halba Sdund goer ned blaudern, su spoersamm werd dou die Energie verbrauchd und wennsda schnell woss säng willsd, derfsda direggd a Sdreichhölsla ôzündn.

Ich hou also mei Delefon genumma und woer a aweng spoersam, dess haasd, ich hobb ka Brilln aufgsedsd und hou gschaud wer mich ôgerufn hodd.
Dess worn suvill Leud, dess ich an Sdifd gebrauchd hob.
Ich hou gedochd, dess dou heud Nammidouch besdimmd woss bassierd is, wenn mich suvill Leud ôrufn.

Denn erschdn, wu ich aus der Boudwanna geglingld hobb, der hodd mich nedd versuchd ze erreing. Der zweida woer nedd in der Boudwanna, obber der wolld a nix ve mir.

Benn driddn, der mich a nedd ôgerufn hodd, bi ich studsich worn.
Ich hou su orch überleggd, dess ich mich goer nedd aufs Gspräch konsendriern konnd.

Dann is mirs eigfalln: Ich hobb alla Leud aus mein Adressbuch ôgerufn und derjenicha, der des Blingn ausgelösd hodd, der woer nimmer ze ermiddln, dess hobb ich scho alles gelöschd khobbd.

Dou wor ich obber widder mächdich sdolz auf mich!

Biggi