Willkommen auf meiner Webseite!
Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
DER BIGGI IHR BLOG
Zurück zur Übersicht
19.03.2010
2 Euro
...ich foer mid ann Audo wu des Fensder auf der Fôhrerseidn ned aufgedd.
Is ka Broblem, mer muss nonnich mid offna Fensder fohern und wemmer die Musigg gscheid aufdrehd hörns die annern, a wenn die Fensder zu senn.
Eds homm sa weche die Ôbbrucharbeidn die EKU Underführung gsberrd.
Des wass ich, hobbs obber vergessn.
Benn Güderbohnhuuf rum, lings eigeordnd - do sich ich, dess die gansa Sdross gsberrd is.
Rechds nüber konnd ich nedd, wall die Droddl mich nimmer nei gelossn homm. Also, bi ich groud aus nein Barghaus ven „Frids" gfoern.
Hinder mir a nuch a boer annera Audos.
Ôm Audomadn mussd ich aussdeing, wall ich ja des Fensder ned aufmachn khô.
Dou mussd ich dann schnell sa, wall die Schrangn widder runder kumma is.
Genau su hobb ichs benn Nausfoern a gemachd und es woer goer ka Broblem.
Ôm nächsdn Douch bi ich nein ehemôlichn „Lidlbargblods" gecheüber venn Kino gfoern.
Des kosd denn gansn Douch bluuß ner zwa Euro, obber die Ausfoerd lichd ôm Berch.
Es muss a zwaeuro Sdügg sa, annersch gedds nedd.
Ich sti also mid laufendn Modor ôm Audomadn, zich die Handbrems ô, steich aus, schmeiss dess Geld nei, sbring nein Audo, hau denn Gong nei, du die Handbrems raus, die Schrangn is scho offm, ich wörch den Modor ô, die Schrangn gedd widder runder, ich schrei „Scheisse", zich die Handbrems ô, sbring ausm Audo, gi außn rumm und such in mein Ruggsôgg im Kufferraum nouch an neua zwaeuro Sdügg.
Nocherd hou ich obber Gas gehm, dess ich rauskumma bi.
Vorher hobb ich ja nuch gedochd, ich hädd woss gsboerd ô dem Douch.
Biggi
Zurück zur Übersicht