DER BIGGI IHR BLOG

Usdern

...gesdn hobb ich ann Hefdn Daach gemachd, der zenn erschdn moll in mein Lehm nedd aufganga is. Ich mussdna weggschmeißn.
Eds hou ich gedochd, su gans ohna Kung is doch a nix auf die Feierdouch und wolld schnell nuch an Rührdaach ôfanga.
Ich woer scho be die Eier, dou glinglds und draußn stedd der Ongl und bringd mir a sizilianischa Friednsdaum, aus Hefdndaach gebaggn.
Dann hou ich hald denn annern ôgfangdn Daach a weggkhaud, wall der Ongl su lang dou woer, dess ich denn Baggufn fers Fleisch gebrauchd hou.

Und zenn Middouchessn kummd die Schwiecherdochder und bringd ann Kung mied.

Dess senn su Douch wu goer nix hiehaud, des Fleisch woer a nedd richdich durch.
Dess senn su Douch wu merr om besdn ze Früh gleich lieng blebbd.

Biggi