DER BIGGI IHR BLOG

Widder

...ich bi Widder und mei Zeuch muss schnell geh.
Dou brauch ich ka Geduh.
Ze woss a dreistöggicha Hochzixdorddn, wenns a Gewörzkung a dudd?
Ich hou nuch merrer su männlicha Addribude: Ich find mei Audo widder, wenn ich wu gebargd hou und ka „Nawwi" brauch ich a nedd, wenn ich wu hie will.
Alla Wech fürn auf Kulmboch odder Stanich und hamm hou ich immer nuch gfunna.
Ich kho dess ewicha Geblauder ve su ann Nawwi nimmer hörn. Und wenns dann sochd, be der näxdn Möchlichkeid lings wendn und ich bi auf der Audobohn, dann will ich mei Geld widder, obber sofford!

Und wenn ich denn Dohn ausmach, dann muss ich doch dauernd aufs Disbläi schaua, demidd ich säng kho, dass dess eds groud die Ausfohrd wô, wu ich eichendlich raus wolld.

Biggi