DER BIGGI IHR BLOG

200er Roller

200er Roller
...ich hobb dess scho be Fäisbugg gschriem, obber dou derf ich nedd suvill Buchstohm braung und eds hau ichs hald aweng ausführlicher naus.

Mir homm denn Ilja sein Roller auf Bamberch überführn wolln:
Der Ferhat hodd in der Karasch a neus Nummernschild drauf und is dou fasd ô seina Grenzsn kumma, wall dauernd des Lichd audomadisch ausganga is und es sdoggdungl woer.
Wieer ve der Karasch raus fährd, mergder desser bluß middn erschdn Gông fohrn khô und dann gedder Modor aus.
Mir woern middn auf der Greuzung gsdandn und die Leud homm gedochd, es gedd sa nix ô.
Es woer wos midn Hinderroud, merr konnds ja neddamoll wegschiem. Der Ferhat hodd dann aweng Wergzeuch im Roller gfunna und dann is dess Ding a widder ôgsbrunga!
Er is über die Wiesn nouch Melgndorf und dann hamm.
Ich midn Audo in seiner Wolgn hinderdrei. Du hosd gedochd, der Kübel brennd!
Dahamm hommer zwaa leera Flaschn nei mein Ruggsogg, dou solld dann Benzin nei, wall der Ilja gsochd hodd, dess der Roller suvill verbrauchd.
Hindern C&C nouch der Brüggn semmer widder sdeh gebliem.
Godd sei Dang woer der Spindler dahamm, der hodd uns aweng Sbridd gebrochd und dann is obber luus ganga.
In Melgndorf hommer goer full gedangd und Benzin in meina Flaschn gedôh.
Mir wolldn ja fohrn wenn die Sunna scheind, obber dess hommer nedd gschaffd.
Machd nix, hommer gsochd, mir homm ja Lichd!
Dann is scho aweng khold woern, wall merr a kanna Händschich miedgenumma homm.
Mir senn ja kanna Weicheier.
Erchendwu semmer mid "Juchhuuu" über a ruuda Ambl, obber dess woer uns a worschd.
Dess khô der Ilja zohln, is ja nedd unner Roller!

Biggi