DER BIGGI IHR BLOG

Sberrmüll

...mir homm Sberrmüll und ich hobb ze meina Gunga gsochd:
„Alles muss naus, alles woss im Kehler is und hoffendlich kummd euer Vodder nedd und dräichd uns alles widder rei!“
Dess die eds werglich alles naus und auf die Sdross gsdelld homm, iss mir su richdich bewussd woern, wie ich heud die Wäsch nei die Wanna läing wolld, die nimmer dou woer.
Sämmdlicha Kindheidserinnerungen sinn ford, alla Foddos ve früher senn weg.
Unner Jüngsder will nouch Ausdralien, fer a halbs Joher und ko seina Underhuusn nei ann Bersillkardong dô, wall ka anzicher Kuffer odder Daschn merr dou is.
Ich hobb direggd Angsd, wenn meiner moll nein Kehler kummd!!!

Odder wenn die Wochn ahns schnell amoll nein Krangnhaus muss.
Es senn nämlich a kanna Blasdigbeudl mehr dou.

Biggi