DER BIGGI IHR BLOG

Mir senn widder dou!

...woer dess a Gaudi.
Unnera annern senn sdundnlang im Sdau gsdandn, defür senn mir in Übersee, dess is in Oberbaiern rumgfohrn und homm a Dangsdell gsuchd.
Dess woer be uns einfoch korzweilicher und vor allem sbannender, wall mer ned gewussd homm, obdes Benzin langd.
Denn erschdn Douch wommer bluß omm Wasser und wie di Damen ombds nuch moll naus mussdn, souch ich nuch, sberrd ve außn zu und nimmd denn Schlüssl mied, ich hou ka Lusd nuchmoll aufzesdeh.
Ich woer ja su ferdich, ve derrer Bouderei, denn gansn Douch.
Näxdn früh woer der Schlüssl fer die Hausdür nimmer dou.
Der hodd ve außn gsdeggd, die gansa Nôchd!
Ich souch nuch, bassd auf euer Zeuch auf, weche Daschndiebe und su weider.
Und mir lossn die gansa Nôchd denn Schlüssl ve außn steggn!
In Venedich hommer an Dagesausfluch gemachd und do hommer alla auf unner Geld aufgebassd und wimmer ômbds widder dahamm woern, hommer drodsdem kahns mehr gkobd, wall dordner alles su saudeuer is.
Amoll wolldn sa nouchm Frühsdügg mid mir Kaddn sbilln und ich Debb souch nuch, nur mid Geld.
Eds derf ich an Gredidd aufnehma. Obber denn Zeddl hobb ich, wu meina Verlusde drauf stenga.
Unner Grußer hodd uns jedn Ômbd woss Feins gekochd und wie ich gesdn auf die Ärberd bi, sochd a Midarbeiderin, Sie senn ja goer nedd braun woern, oberr digga Baggn homm Sa grichd!
No, schön Dang.

Biggi