Willkommen auf meiner Webseite!
Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
DER BIGGI IHR BLOG
Zurück zur Übersicht
18.08.2010
A Draum
...heud früh hou ich gedochd, es langd und bi auf ann Sdull gsdieng.
Dann hobbich denn Küchnschrong aufgemachd und alles raus khulld, wossner dou drinna wor.
Dou is Zeuch debei gwehn, dou woer ich ja scho fruh, wenn aufm Babberla der Breis in Euro woer,
su old wor dess und dess woern Lehmsmiddl!
Ve vorna hoddes alles gans schö ausgschaud, wallich immer neus Zeuch devor gsdelld hou, obber hindn woer Zwiebagg, meine Herrn, den dorfdmerr nedd schorf ôschaua, do isser scho ausananner gfalln.
Alles orchinôl verbaggd!
Midd die Gewörze hou ich goer nedd lang rumm und alles nein Müll khiem, alles wu hindn gsdandn hodd. Dann bi ich mid Scheuersond und Worzlböschdn drüber, dess merr der Dreeg ve die Ôrm rougeloffn is.
Ich glaab, ich hou Langeweile khobd und es wor groud nix im Fernsehn drô.
Odder is Vollmond?
Eds hou ich denn Schrong scho dreimoll aufgemachd, wall ichs goer nedd glaam ko - wie schö dass dess aussichd.
Ich muss hald immer auf ann Sdull sdeign, wall ve vorna woss ja scho immer schö.
Zurück zur Übersicht