DER BIGGI IHR BLOG

Beschwerde

...ich hobb eds a Email grichd, wu sich ahner aufrechd und nie mehr nei unner Kino geh will.
Wall, er hädd a langjähricha Beziehung und desswecha a Jubiläum und sei Freundin wolled unbedingd ann Film be uns säng.
Er hädd im Iderned ann „Bärchensids" reservierd und wie er die Karddn obhulld, do dorfd er nedd gleich nein Sôhl (mir müssn ja amoll sauber machn) und mussd draun warddn.
Su woss obber a.
Es kummd nuch besser.
Wie er dann mid seiner Begleidung nei dorfd, do sichd er, dess des goer kanna „Bärchensidse - Dobblsids" gibd.
Es gibbd be uns a kanna in die undern Kinos - wu hoddn der die Blädds reservierd?
Es hädd na su gsdungn, desser nedd auf ann Dobblsids mid seiner langjährichn Bardnerin sidsn dorfd, dess enna der gansa Ômbd versaud woer.
Ich versdi dess nedd.
Wenn ich in ahner langjährichn Beziehung bi - und ich wass ve woss ich redd, dann bi ich doch gans dangboer, wenn zemindesd fer ann Kinobesuch aweng a Lehna dezwischn is.
Odder wolldn die velleichd indiem wern?
Dess wor dann obber a nedd der richdicha Film defür!

Biggi