Willkommen auf meiner Webseite!
Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
DER BIGGI IHR BLOG
Zurück zur Übersicht
15.09.2010
Bus
...gesdn foher ich midn Bus auf Bareid.
Der Fohrer machd die Dür auf, ich gi nei und er?
Er sochd: „Grüß Godd“ ze mir!
In aller Herrgoddsfrüh!
Dess hodd in mein Lehm nuch ka Busfohrer ze mir gsochd.
Di gehm ann ja neddamoll a Andword, wemmers selber ze enna sochd!
Es kummd nuch besser:
Mir mussdn nuch aweng waddn, wall die Zeid nonnich suweid woer.
Draußn vorm Bus sdedd a Fra, mid ahner Zigareddn in der Goschn und suchd a Feuer in ihrer Handdaschn. und unner Busfohrer?
Der sdedd ve seim gemüdlichn Sids auf, gidd naus und häld der Fra a Feuerzeug under die Nousn.
Ich hou ja scho vill gsäng...
In Drussefeld steggd a alder Mô aus und drehd sich nuch amoll zenn Fohrer um:
und der wingdna nuch amoll nouch!
Eds hobbich fei scho gedochd, obdess velleichd a Außererdischer is?
Odder a Sbion?
Wall su richdich verdraud midder Ärberd ve an Busfohrer wo der nedd!!!
Biggi
Zurück zur Übersicht