DER BIGGI IHR BLOG

Wasser

...also mir woern gesdn in der Kerng, weche ahner Singerei.
Blöd wor, dess ich korz vorher auf der Ärberd ann Lidder Wasser gedrungn hou.
Dou konnd ich dess goerned su richdich genießn.
Mir widder gans brofessionell in der erschdn Reiha.

Und wu wor die Sängerin?

Auf der Embore.
Häddmer hindn a sidsn könna.
Wenner die Moderadorin nedd immer su long geblauderd hädd!
Fer die ledsdn drei Lieder is die Sängerin dann doch nuch nouch vorna kumma.
Ich mussd obber su orch aufs Glou, dessich gans zammgebuggld dou ghoggd woer und der Inderbredin vordner auf die Schuh gschaud hou.
Die woern aweng ausgsabbd und die Sbidsn senn in die Höh gsdandn.
Dess is alles woss ich ve dem Ômbd mid hammgenumma hobb.

Biggi