Willkommen auf meiner Webseite!
Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
DER BIGGI IHR BLOG
Zurück zur Übersicht
01.10.2010
Freising
...zwamoll im Joehr bi ich auf ahner Dachung, jedesmoll wu annersch.
Eds im Herbsd wommer in Freising.
Undergebrochd hommsa uns in su am aldn Gemäuer, mid ahner Kerng denebe.
Ich bi ja ned groud vergnüchungssüchdich, obber aweng mehr Komfoer hädds scho sa derfn.
Scho wiemer die Schlüssl grichd homm, wor des komisch, wies immer khasn hodd, Männer nein Keller, Fraun nein erschd Sdogg.
Hobbich a nedd versdandn.
Im Zimmer dann, dou worn die Vorhäng su dorchsichdich, dessich mich im Bôd umgezung hobb.
Sbäder is mir dann dess Rollou aufgfalln!
Des Bedd wor högsdns 70 Zendimeder braad, defür dess Zudegg amederzwansich und is dauernd nougfalln, walls ze gruuß woer.
Dann semmer zenn Essn in die äldesda Brauerei der Weld und dou dezu mussdmer a halba Sdund berchauf laafn.
Meina Gnochn.
Hammwerds wolld kanner midn Daxi foehrn und allah bi ich mer a blöd vorkumma.
Woer ich fruh, wi ich in mein Zimmer wor. Do hou ich dann gemergd, dass dess kann Fernseher gibd und nuch aweng sbäder is mir aufgfalln, dessa ka Minibar khobbd homm.
Auf der Hammfoehrd sochd ahner, dass dess a Glosder woer.
Obber inderessand wors scho!
Biggi
Zurück zur Übersicht