Willkommen auf meiner Webseite!
Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
DER BIGGI IHR BLOG
Zurück zur Übersicht
18.10.2010
Wissnschafd
...mir homm uns auf der Ärberd an neua Dohner kafd, waller scho dauernd gejammerd hodd, der Drugger.
Ich souch ze meiner Midarbeiderin, dou dunn sa moll denn aldn raus und genauso schiem sa denn neua nei. Ich schigg enna gleich moll die Rädslseidn fer unnern Familiensunndoch vem Büro runder, wennsa des Drumm ausgewexsld homm.
Ich wadd bissa mich ôrufd, dann schigg ich die Dadeien nunder.
Es wor a ganser Schwung und wi ich mer des Zeuch ôschau, hodds die erschdn Seidn agurad gedruggd und dann is blußner die hälfd nuch ze säng.
Woss hommsa uns denn dou widder fer a Gelumb verkaafd. Wardner dou gi ich om Mondouch gleichner hi, dou willich mei Geld widder homm.
Wi unner Kassngrofd om Ômbd den Dachesberichd ausdruggd und fasd nix drauf lesn ko, machd sa denn Drugger auf und sichd, dess die Banderoln nuch drô is und sochd, dess der Überhabbds woss gedruggd hodd!!!
Bi ich fruh, dass die dess nuch vorm Mondouch gemergd hodd.
Biggi
Zurück zur Übersicht