DER BIGGI IHR BLOG

Sdernfôhrd

...40.000 Beiger in Kulmboch und 28.000 Einwohner.
Dess is Ausnôhmezusdond.
Ins Kino kumma die gansn Leud a bluß ner zenn brunnsn.
Und dann froung sa su scheinheilich, woss denn heid Ôhmbd fer Filme laafn däidn?
Die Dhegngrafd gibbd groud widder ausführlich Auskunfd und wie die zwaa sich dann Karddn kaafd homm fer die näxda Vorsdellung, souch ich ze ihr:
„Die worn doch eds besuffn, die zwaa?"
Es kämed ihr a su vor.
A Sdund sbäder senn sa widder dou, und walls nonnich langd, kaffd sich a jeder nuch zwaa Bier.
Dauerd nedd lang und die Leud kumma ausm Sôhl und beschwern sich über die zwaa, wall sa dauernd delefoniern däidn.
Der Vorführer gidd nei und will fer Oddnung soing, dou senn sa scho eigschloufn.
Wie der Film aus wo, dou worn sa fasd nedd aufzeweggn, obber dann mussdn sa nuch gans schnell aufs Glou.
Und dou hodds denn ann obber dermôßn nôgschdreggd, dess mer scho Angsd khobbd homm, er hädd sich woss gebrochn.
Obber Kinner und Bsuffna homm ann Schudsengl.

(Unnera zwaa homm omm Mondouch a nuch woss venn Beigerdreffn khobbd, und wenns blußner Kubfschmerzn worn.)

Biggi