Willkommen auf meiner Webseite!
Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
DER BIGGI IHR BLOG
Zurück zur Übersicht
25.04.2011
Usderneesd
...ô Usdern mach ich immer die Nesder und unnera Gunga versdeggn sa gecheseidich.
Der Vodder hoggd aufm Balkong und derf nix devo wissn, wall der immer alles ausblaudert.
Ich mussd dann a zenn sung nunder nein Gaddn, obwohl mir dess goer kann Sbass machd und ich dess süßa Zeuch suwiesu hinderher wieder herscheng. Ich wass goer nedd wie ofd ich scho ô dem Baam verbei bi, dann hommsa wengsdn wärmer, wärmer - gans kold gsochd und ich hobb mei Neesd khobbd.
Der Vodder hodd nix gewussd, obber aufgebassd und immer seina Kommendare rougschria.
A Neesd woer dief im Gebüsch versdeggd und mid aldm Laab zugedeggd, a anners hommsa under an Lasdwoung aufn Ausbuff gsdelld, obber dess schwierigsda woer im Kanôl, dess hommsa neighängd und widder zugemachd.
Der Vodder hodd keine Ahnung khobbd und immer ze mir gsochd, dessixna soung soll und er däid nix verroudn.
Ich bi sdandhafd gebliem.
Nouch Sdundn woern dann alla Usderneesder gfunna.
Gessn woern sa schneller, wie gsuchd.
Biggi
Zurück zur Übersicht