DER BIGGI IHR BLOG

Es brennd

Ich laaf midn Vorführer ums Kino und mir schnubbern.
Dou brennd doch woss! Wu kummdn der Geruch her?
Und dann nuch die Mischung middn Bobbcorn!
Dess kosda ja fasd nedd aushaldn.
„Dess wern dia blödn Gunga widder sah, wissn Sa nedd, wi die ledsdes Joher immer dess Babier ôgezünd homm, dess die Leud ausm Kino raus sänn und gfrouchd homm, obs nedd brennd?
„Velleichd“, sochd er.
Iss obber nedd rechd überzeuchd.
Wi ich widder neis Fojeh kumm, sdidd mei Bu gans bedebberd hinder der Dhegn.
„Wossn luus?“, frouch ich na.
Mir is dess Bobbcorn dermôßn neigebrennd, dess kô dauern, bis dess eds widder sauber is.

Und ich hou scho gedochd, annera Leud homm blöda Gunga.
(şaka, şaka - du versdisd mich scho!)

Biggi