alles ist möglich

Willkommen auf meiner Webseite!

 

Weil wir daheim als Kinder hochdeutsch reden mussten, kam ich erst spät zum Dialekt.

Das ist nun meine verspätete Rache.


 


 

 

 

 

 


DER BIGGI IHR BLOG


Zurück zur Übersicht

30.08.2011

Indernedd

...ich wass a nedd, dess meina Gunga dauernd underwechs sa müssn.
Kaum iss der a ve Ausdralien widder dou, baggd der anner sei zeuch und zichd auf Irrland.
Biss ich dess edds widder gelernd hou, kochich dauernd zevill.
Bevorer ganga iss hodder gsochd:
„MUDDER kaaf der a Webcäm, demmidd mer sgeibm könna.“
Weche annera Ônschaffungen (Mussiginsdrumende) iss die elegdrischa Inderneddkamera erschd amoll auf Eis gelechd worn.
Die Wochn bi ich dann mid mein Jüngsdn eikaafn ganga.
Mir homm nedd lang rummgedou, sondern sofford die billigsda Kamera kaafd.
Dann mussd mer gans schnell hamm, wallich Kaffee dringn wolld und Hunger hou ich a khodd.
Dahamm hommer dann die Webcäm ausgebaggd und dennKardong und die Verbaggung gleich zerissn.
Und dann hommer gemergd, dess dess goer nedd be mein mäc gedd.
Eds hoggich hald immer ôm PC im Kinnerzimmer und sgeib ve mein Jüngsdn sein Rechner aus.
Der hoggd derwell aufm Fußboudn und langweild sich, wallich dess Hädsed aufhou und er grichd nix mid.

Biggi




Zurück zur Übersicht