DER BIGGI IHR BLOG

Kino - digidôhl

Seid dehm mir in zwa Kinos die Filme digidôl sbilln, braung mer su wirduella Schlüssl dezu.
Be die "SCHLÜMPFE" worer eds ougeloffn und mir homm an neua gebrauchd.
Denn solld ich eds besdelln.
Auf englisch.
Wu ich doch nonnich amoll gscheid Hochdeudsch kô.
Mei Hirn wô wie eigedruggnd und mir is goer nix eigfalln.
Dess hodd ewich gedauerd bis die Imehl draußn wô.
Hodd nedd lang gebrauchd, dann hodd mer der Dschäims (James) (auf englisch) gschriem und gfrouchd, wossich mid Sender Schlüssl mahn?
Dess solld hald a Schlüssl fer nedd bluss ann Sôhl in unerm Sender (Kino-CENTER) sa.
Dou hobbich dann a widder aweng gebrauchd, bissich den Dexd naus schiggn konnd.
Dann wolld ich hamm und wi ich souch, dess ich eds hamm gi und dess ich denn halm Nammidouch mid derrer blödn Imehl verdô hou, sochder Vorführer:
„Dess häddn sa a in deudsch schreim könna, wall die homm su Übersedsungsbrogramme, dess gidd gans audomadisch.“

Hoffendlich schrebbd der Dschäims eds nimmer, wall, dou däid ich mich direggd aweng scheniern.

Biggi