DER BIGGI IHR BLOG

Kind

Seid gesdn Ôhmbds umma sechsa bi ich widder Oma und ich wass bis eds nedd woss fer ahna.
Es is alles guud ganga, Mudder und Kind senn wohlauf, sochd der neu Vodder und dann wosser fer Kubfschmerzn hädd, desser dengd, dessna der Schäidl zersbringa däid.
No, soch ich, du bisdoch in ann Grangnhaus, die wern doch a Dableddn fer dich houm!
Sei Fraa lieched nuch im Greissôhl und er gänged eds zer Hebamm und frouched nouch ann Middl gäiche sei Kubfwieh.
Dann lechder auf, schald sei Handy widder aus und ich wass bis edserd nedd woss dou fer a Kind auf die Weld kumma is - a Buu odder a Madla.
Meiner sochd, er könned doch eds nedd dahamm ôrufn und wass nedd amoll woss dess fer a Kind iss!

Und des Ongela is exdra aus Dablin kumma und muss a bis Nammidouch waddn!

Biggi