Willkommen auf meiner Webseite!
Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
DER BIGGI IHR BLOG
Zurück zur Übersicht
03.12.2011
Ischias
...seid a boer Douch hodds die Danda ômm Ischias Nerv.
Dess fährd ihr dann blödslich su nei, dessa goer nimmer laafn kô.
Wiesa eds aufm Margdblodds worn, in der Näh ven Rôdhaus, dou is widder bassierd, dessa sich nôhn Ongl hänga mussd und kann Schridd mehr allah dô konnd.
Der Ongl führd sa nôh die Drebbn venn Rôdhaus und sochd, dessa sich sedsn soll, er hulled schnell des Audo venn Barghaus im Frids.
Es woer eds aweng kold und die Danda is eh bahrabbl dörr, dou hodds nedd lang gedauerd und sie hodd gscheid gfrorn.
A dreiverdl Sdund hodds gedauerd, bis der Ongl widder middn Audo dou woer.
Sie woer dermoßn ausgfrorn, dessa fasd nedd aufsdeh konnd.
Wu wosdn du? Worum hoddn dessu orch lang gedauerd?
Er hädd erschd nuch woss eikaafn müssn im Frids, sunsd häddn sa sei Bargdigged nedd gelochd und er hädd fuchzich Cend fers bargn zohln müssn.
Wie ich dess mein erzilld hobb, hou ich dezu gsochd, desser dess a gemachd hädd.
Dou hodder doch die Händ geche mich derhoum!
Biggi
Zurück zur Übersicht