Willkommen auf meiner Webseite!
Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
DER BIGGI IHR BLOG
Zurück zur Übersicht
18.01.2012
Geld
...mir wolln in Urlaub fohern.
Meiner gibt mir aweng Geld und sochd ze mir:
Duss auf die Seidn, dess nehma merr midd, wemmer fohern.
A boer Douch sbäider lässder sichs widder gehm, waller woss bezohln muss.
Dann bringder mir widder a Bäggla Geld und sochd, dessix aufhäim soll, fern Urlaub.
Dann grich ich nuch aweng, dann läßder sich widder woss zerügg gehm.
Kamoll hobbix nouch gezilld.
A weng woss hobbich neis Wohnzimmer, a weng woss hobbich nein Schloufzimmer und dess annera wass ich nimmer wuix nô hou.
Seid gesdn such ich!
Ich gi gans sysdemadisch vor. Mein Schrong hou ich ausgerammd, alla Daschn durchgschaud, aufm Schrong, wu ich scho a boer Joehr nimmer woer - nix - bluß Dreeg. Heid kumma die Bücher drô, obber ich kô mich ô nix erinnern, wu ich dess Geld versdeggd hädd!
Meiner sochd, du dich nedd ou, wennsdess in a boer Joehr finsd, dann freusda dich.
Ja, wenns nix mehr werd is!
Es gidd merr scho nô und machd mich ferddich - ich hobb sugoer scho zenn hl. Andonius gebedd.
Biggi
Zurück zur Übersicht