DER BIGGI IHR BLOG

Unner Cola-Fôhrer

...eingendlich kô ich denn Cola-Fôhrer nedd su guud leidn.
Es is hald a alda Sauwaafn.
Wall unner Hausfagdodum in der Glienig is, muss ich eds die Lifferandn reilôssn.
Vor zwaa Wochn rufd mich der Cola-Fôhrer ô, er wär gleich in Kulmboch und ich solled na hald es Kino aufsberrn, demmidder sei Zeuch ôhliefern könned.
Hobbich a gemachd.
In der ledsdn Wochn rufder widder be mir dahamm ô und sochd desser liefern möched.
Dessmoll woer mei Jüngsder drô und der is a nein Kino gfoern und hodd aufgsberrd.
Sochd der Fohrer ze na:"Es ledsda Moll hodd mich obber a Fraa reigelossn?"
Sochd mei Gunger:"Koschosah"

"Dess woer su a 45jähricha, aweng korbulennd"

Kein Word mehr geche denn Môh!
Der hodd mich 20 Joehr jünger gemachd, der derfedd sugor soung "DIE FRAA WOER SEHR KORBULENND"

Biggi