DER BIGGI IHR BLOG

Gaddnärberd

...wie der Winder um woer, hodd meiner midd ann Freund sein Gaddn gemachd.
Der anner sdelld na Rechn nô und meiner beredd na gleich, desser dess nedd su machn soll, er müssed na Rechn umdreha, wallmerr sich sunsd verledsn könned.
Ich hou ja gedochd, dess dess bluß be Digg und Doof soicha Momende gibbd, obber mir brenga dess a zamm. Dauerd nedd lang und meiner sabbd vorna auf die Zäih venn Rechn, der wu folsch rumm im Grous lichd. Im Bruchdahl ve ahner Sekundn grichder denn Sdill auf die Nousn und die Bladdn.
Dou hodder scho amm Nammidouch die Sdernla gsäing.

Und denn annern hodder erschdamoll gscheid zammgschissn, desser nei kann Schlabbm mehr gebassd hodd.

Ich wass obber bis heud nonnich, wer eds denn Rechn folsch nôgelechd hodd.
Könned durchaus meiner selber gewesn sah.

Biggi