DER BIGGI IHR BLOG

Unner Drugger

...mein Godd, hommer gesdn auf der Ärberd gelachd.
Seid zwa Douch, wennich ausdruggn wolld, hodder ka ruuda Farb mehr khodd, sondern is alles in gelb rauskumma. Die Badrona worn ausgewexsld, a Indensivreinichung hobbich a gemachd - es woer immer nuch alles gelb. Bis omm Nammidouch a Midarbeider aus Bareidd kumma is und ich na gsochd hou, dess mei Drugger sbinnd.
Der A.G. hodd sugoer nuch a Kobfreinichung gemachd - alles gelb. Bisser sich die Farbbadrona ôgschaud hodd - dou woer der Blasdigsdreifm nuch drauf!
Dou ko ja nix raus kumma. Und benn auswexln hobbich dessmoll zergoer Händschich ôgezung, wallich mich zervor midder schwazn Farb su eigsäud hobb.

Ich wass nuch guud, wie ich mich über a Midarbeiderin amüsierd hobb, wallsa benn Dohner nedd es Bändla rouh gerissn hodd und mir nochherd nimmer druggn konndn.

Biggi