DER BIGGI IHR BLOG

Ausland

Unner Grußer ärberd in Dablinn und waller dou nedd jedn Douch nouch der Ärberd hammfährd, nudsn mir die moderna Medien und schreim uns elegdrischa Briefe.
Heud früh is widder su a Nochrichd kumma: Ich bi in ahner Schulung und kô dich nedd ôrufm. Skeib hald amoll mid mir, dou kommer kosdnlous delefoniern und die Schull gedd a rumm.
Also bi ich nôhn annern Rechner, hobbna ôgemachd und dess Brogramm gsdard. Eds sdidd dou, desser offlein is und nedd nô gidd.
Meina Gunga! Der wolld mich hald ve Narrn haldn?
Bevor ich auf die Ärberd bi, mach ich denn Rechner aus.

Und dou sich ich, dess dess Inderneddkôbl goernedd drinna woer.

Dess werd a langweilicher Douch fer mein Bumm gwäin sah. Velleichd hodder sugoer wos gelernd?

Biggi