Willkommen auf meiner Webseite!
Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
DER BIGGI IHR BLOG
Zurück zur Übersicht
17.07.2012
Indelligensdesd
Omm Fernsehn woer a Sendung drô, wiemer sein Indelligensquodsiendn ermiddln kô.
Hobbich nadürlich middgemachd.
Sehr umfongreich.
Es is luusganga, dou solldmer woss aufschreim und ich merg, dessich kann Sdifd debei hobb.
Wie ich middn Sdifd widder vorn Fernseher hogg, merg ich, dess meina Gedränge nuch in der Küchn sdenga. Dess gedd a nedd.
Dann woer alles bereid, obber die erschda Frouch scho durch.
Machd nix, houich gedochd, kumma ja nuch a boer.
Dess gansa Brogramm hodd a boer Sdund gedauerd.
Erchendwann, mussdich Nouchschub hulln und dann mussdich a amoll raus und dann hobbich nuch aweng midder Danda delefonierd.
Wiich dann dess Ergebnis ausgerechnd hobb, bi ich auf ann Quodiendn ve 66 kumma.
Ich hobb ja immer gedochd, Mudder dess iss nedd schlechd.
Bissich vorhin in der Zeidung gelesn hobb, dess dess ka dolla Leisdung woer und eichendlich derfedd ich goer ka Audo foehrn.
Biggi
Zurück zur Übersicht