DER BIGGI IHR BLOG

Die Mode

Meiner woer heid aweng sbäid drô, wieer auf sei Ärberd is. (Dess versdedd eds widder kanner vo unnerer Familie)
Er hodd sich schnell rasierd, zenn duschn hodds nimmer gelangd, wallmer ann Besuch khobbd homm. Ich sich bluß, wieer ô mir verbei rennd und souch: "Woss hosdn du dou ô?"
Er gleich garschdich: "Dess bassd eds wull nedd, odder woss?"
Ich: "Is des dei Hemd? Is fasd aweng eng."
Er: "Dess wersda widder ze haß gewaschn homm und dess bassd scho."

Mussder sich denn gansn Ômbd Zeuch ôhörn:

IN WELCHN MONAD BISDN DU?
HOMMSA DESS HEMD NEDD IN DEINER GRÖSS KHOBBD?
DOU BRAUCHD AHNS KA CORSEDD NEDD, WENNER SU A WOER HODD.
HUSD FEI NEDD!
GRÖSSER BISDA NEDD WOERN, OBBER AUS DEM HEMD BISDA SCHNELL RAUSGEWACHSN.

Er hoddan ze die Leud gsochd, desser mir a neua Waschmaschina kafd hädd und ich däid mich nonnich auskenna.

Biggi