Willkommen auf meiner Webseite!
Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
DER BIGGI IHR BLOG
Zurück zur Übersicht
12.10.2012
Reise 1
Mir mussdn vem Kino aus nouch Aachn, ahna fer Bareid und ich fer Kulmboch.
Unner Scheff hodd gsochd, dess mir dess Audo nehma solln. Naufwärds bi ich gfoern. Wie auf amoll a Lichd be die Amadurn aufgeleuchd hodd und dann nimmer ausganga is, hobbich ze meiner Beifohrerin gsochd, dessa moll im Handbuch nochschaua soll, woss dess iss. DESS HANDBUCH WOER ORGINÔL IN TSCHECHISCH! Benn näxdn Dangn is dess Lichd dann widder ausganga.
Im Hodel hommsa gsochd, mir könna nei die Diefkarasch, es wär nuch woss frei. Dou dezu mussd mer dess Audo auf a Dabledd foern und dann konnds a annersch einfoch rauf oder nou schiggn. Hinderher hobbich scho Angsd khobbd, die häddn mich velleichd benn Eibargn auf Video aufgenumma und däidn mich ôm näxdn Moing zenn Frühsdügg auf Großleinwond zeing, su blöd hou ich mich ôgsdelld. Hommsa nedd gemachd, obber olber woernsa drodsdem!
Endweder homm mir zwa su ferdich ausgschaud odder ungebfläichd, wall mir die Zimmer im Voraus zouhln mussdn, annera fei nedd.
Der gansa Loudn hoddner su nouch Raach gerochn und die Zimmer ah, obber unner Geld wolldn sa scho vor der Übernôchdung!
Ôm Donnerschdouch Ômbds semmer widder hamm gfoern.
WEITERLESEN: Dess Abenteuer kummd erschd!
Biggi
Zurück zur Übersicht