Willkommen auf meiner Webseite!
Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
DER BIGGI IHR BLOG
Zurück zur Übersicht
02.11.2012
007
Mir homm denn neua Bond Film be uns im Kino.
Omm erschdn Ômbd woer scho alles ausverkaafd.
Dou kummd a Foddografinn ve der Rundschau und frouchd, obsa dou a boer Aufnôhma machn dörfed, mid ihrer Videokamera.
No, deng ich, dess is doch nedd schlechd, wennsa aweng Werbung fer uns machd.
Sie woer ja su orch begeisderd, dess denn Film eds seid fuchzich Joehr gibbd und die Leud senn immer nuch verrüggd denouch.
Hinder die Dhegn issa und hodd meina Midarbeider be der Ärberd aufgenumma, dann issa widder vor und hoddie Gäsd befrouchd, und dann wolldsa wissn, obbich mich nedd nei ann Sessl im Sôhl sedsn möched und aweng woss soung?
Naja houich gedochd, wosssoldn scho bassiern?
Ich hogg mich nei ann Sessl und fang es blaudern ô.
Aufamoll fehld mir a Word, demiddich denn Sods ônsdändich ze End bring.
Es fälld mir nedd ei.
Und sie kennd keine Gnade und häldmid der Kamera drauf.
Ich hou gedochd, dess schneddsa raus.
Dou hobbich mich obber sauber gedäuschd.
Wie dess mei Kollech ôgschaud hodd, mahnder ze mir:
"Woss hosdn du dou geraachd? Du sixd ja richdich bekiffd aus."
Dess ahna kô ich der Fraa ve der Rundschau heid scho soung: SU GRICHD MER KANNA FREIKADDN!
http://youtu.be/WT2xdS5NpgI
Könnder euch ja moll ôschaua!
Biggi
Zurück zur Übersicht