DER BIGGI IHR BLOG

Mir stingds!

Mir homm im Kino erchendwu a duuda Maus und finna sa nedd.
Säing kommer sa nedd, bluß rieng.
Heud is dess Kino su vull und a ahnzlner Gasd a, waller sich dermôsn aufn Debbichbuudn gschbeid hodd, gleich nebe sein Sids nô.
A Middarbeiderin kummd ze mir und sochd, dess denn Gasd sei Mudder scho dess Gröbsda weggemachd hodd, obber sie könned dou nedd nô, sie sbeied sich gleich denebe.
"Dann soung sess hald ahner Kollechin", mahn ich und ärber weider ô mein Combjuder.
Dauerd nedd lang, kummd sa widder und mahnd, es wär kanner dou, der dess sauber machn könned. Meineherrn, dess senn doch fasd alles Müdder, die müssn dess doch scho amoll erlebbd homm!
Also such ich meina Gummihändschich und mach ann Aamer vull Wasser. Wieichna ausm Waschbeggn heeb, hodder undn a Loch und ich säu mich des erschda Moll ei. Dann nimm ich ann annern Aamer und such ann Labbm. Ich find bluß su a Drümmla ve 20 auf 20cm.
Zeid hobbich a nedd vill, wall die näxsda Vorsdellung gleich ô gedd.
Ve weche: "Dess Gröbsda wär scho weg"! Su a Sauerei!
Meina Midarbeider worn auf amoll gans heggdisch, a jeds hodd a wichdicha Ärberd khobbd.
Houix hald selber sauber gemachd und mich gscheid vullgsbridsd.
Und dessweche gi ich eds hamm - walls mir sdingd. (Und ich a)

Biggi