Willkommen auf meiner Webseite!
Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
DER BIGGI IHR BLOG
Zurück zur Übersicht
31.12.2012
31.12.2012
Heid früh hobbich gedochd: "Mudder, wennsda bezeidn eikaafm gesd, dann isnedd sua Gedräng und mir machn alles gans biano = lässich/kuhl.
Wieich dann im Audo sids, houich die Weld nimmer versdandn.
Mir wohna doch in ahner Gleinsdodd - wu kumma denn dou die Haufm Leud heid her? Und alla wolldn sa nein REAL oder nein Aldi.
Be der Norma odder benn Lidl woer ich nedd, vielleichd die annern Leud a nedd, obber ich hobbs nedd überbrüfd, wallich ja scho midder Bargbladssuche dodôhl überforderd woer.
Wieich dann benn Aldi endlich drinna woer und meina Blasdigflaschn zerügg bringa wolld, dou sdenga zwa Leud, wu jeds ann gelm Sogg vuller Flaschn khobbd hodd. Die a Fraa houich gekennd und hou sa laud gfrochd, obsa heud nix annersch ze dô hädd, wie ihra leern Flaschn ou ze gehm?
Sochdsa, sie bräuched dess Geld, wallsa sich Gedränge kaafm wolled.
Dann drehd sa sich ze mir um und mahnd: "Du konnsd wull heid a nedd auf deim Sofa lieng bleim?"
Eine Frechheid - ich woer die gansa ledsda Wochn grông - ich konnd goernedd eikaafm geh!
Biggi
Zurück zur Übersicht