DER BIGGI IHR BLOG

2013

A halba Sdund bevor des alda Joehr um is, dou wern SA unruich und dann gnallds scho überoll und mir senn nuch aufm Wech ins Freia.
IHN hommer erschdamoll nôn Gaddndürla khängd, demiddER nedd umfälld und SIE versuchd die gansa Zeid die Sdeggerla ve die Rakedn nei die Seggdflaschn ze sdeggn.
Ich schau mer sulong die Weld ô und wies überoll grachd und schebberd und exblodierd ômm Himml.
SIE hodd eds zwa Flaschn mid Rakedn hergerichd, eds hasds ôzündn.
Wenner der Buudn nedd su waggln däid!
Eds brennd die Lundn und ich sich groud nuch, wie schief des Ding drinna sdedd, dou zischdes obber a scho ô mir verbei und naufm Himml.

Nocherd hommer nuch a Flaschn Seggd gedrungn - mir mussdn ja ôsdußn aufs neua Joehr. Amoll säing woss bringd!

Biggi