DER BIGGI IHR BLOG

Geld

Eds hobbich groud in am aldn Biergruch 200 Euro gfunna - auf mein Schrong. Dou hodds obber in mein Hiern geradderd.
Wu kummdn dess her?
Soll ich dou widder wos sboern fer Mein?
Khördes ze die 500 Euro, die wu ich gsuchd und nimmer gfunna hobb?

Geld und ich.

Ich khönned in ahner Bong ärbern, su gewissnhafd wiich middenn Zeuch umgi.
Erchendwie sichdes aus, wie wennich zuvill devô hädd.

Auf amoll fällds merr ei:
(Dess woer, wie wemmer ahns a Schelln gehm hädd.)
Ze Weihnochdn hobbich dess Geld grichd, wallich auf ann neua Rechner gsboerd hobb.

Denn Rechner hobbich scho und eds is dess heid Ômbd nuch amoll su wie Weihnochdn fer mich.

Biggi