DER BIGGI IHR BLOG

Komminijon

Gesdn woer Komminijon.
Die Kerng hodder Bfarrer rechd logger khaldn und es hodd a nedd su lang gedauerd.
Dann sennsa nein Werdshaus und homm rechd gud gessn und gedrungn.
Sbäder homm sa nuch ann Dermin zenn fodografiern khobbd und mussdn dessweng nuch amoll nei die Sdodd foehrn.
Dou dezu hommsa des Komminjonsmadla gsuchd.
Die woer auf ann Sbillblods middie annern Gunga, draun.
Vor der Kerng hommsa sa hergerichd - wie eine Brinzessin, midd naufgsdeggda Hoehr, wu glahna Rösla drinna woern.

Wie die Mudder die Kinner gsuchd und gfunna hodd, dou mussdsa sich erschd amoll nô sedsn: Dia Gunga homm ann glann Bôuch gfunna, sich naggerd ausgezung und gecheseidich mid Dreeg eigschmierd.
Die Eldern woern außersich und homm versuchd denn Maadsch wengsdns a bissla ôuzewaschn. Benn fodografiern hommsa dann gsäing, dess die Füß nuch gans dreggerd woern.

Auf jedn Fôll kô dess Madla sbäider ihra Kinner woss lusdigs ve ihrer Erschdkomminjon erzilln.

Biggi