DER BIGGI IHR BLOG

Summer is

Heid bi ich middn Roud auf Maleus zenn Doggder gfoehrn.
Worum ich ann Doggder in Maleus hou und nedd in Kulmboch, ko ich ah nedd soung, villeichd demiddich a amoll naus kumm - vor die Dore der Sdodd.
Also, ich foehr aufm Rôdwech und benn C&C sdedd a Schild, dess weche Hochwasser gsberrd wäir.
Dess is doch scho lang ougeloffm, deng ich und foehr hald nehm drô vorbei.
Dann sich ich obber scho die Überschwemmung. Es woer schlechd ouzeschädsn wie dief dess eds is und ich hobb gedochd, dou mussda eds dorch - und aweng sbäid woer ich ah.
Wedder nei, hoddes gsbridsd. Die Baa konndich nedd nauf dô, wall ich mussd ja dreedn. Dess woer a Maadsch, dessich Angsd grichd hou, mich hauds rou.
Bis über die Gnie woer alles noss.
Im Waddezimmer woss mer dann scho awengla unôgenehm, wie su a glanner See um meina Schuh rumm geloffm is.
Hodd kahns woss gsochd, obber geglodsd hommsa alla.

Hammwärds woss eh woschd, dou bi ich midd Karacho durchgfoehrn und dann hobbich mich neu ôgezuung.

Biggi