DER BIGGI IHR BLOG

Segl Törn

Vier Männer machn ann Segl Ausfluch middn Boud.
Zwaa homm sich gekennd, die annern zwaa worn enna fremd.
Middouch senn sa nei ann Werdshaus, wu sa ôgelechd homm und dann hodder Wind aweng aufgfrischd und sie senn mid Karacho widder naus aufs Meer.
Der ahna hodd Middouch gedochd: "Nuch moll gscheid dringn, demmidich draun kann Doschd grich" Doschd hodder kann grichd, obber brunsn mussder!
Su lang wis ganga is hodder zammgezwiggd, obber dann konnder nimmer und hodds ze sein Freund gsochd. Der hodd a erschd aweng rumgedruxd unds dann die zwaa annern bekannd gehm.
Die homm bluß die Köbf gschüddld und gemahnd, dessa suwoss nonnich khobbd häddn und er solled sich hald eds ausziehng.
Jeder hodd a wasserdichda Laddshuusn ôkhobbd und drüber woer die Schwimmwesdn gebundn.
Also erschd amoll die Schwimmwesdn rou, dann die Laddshuusn und dann gleich widder die Schwimmwesdn nô.
Eds woerer middn naggedn Oersch nebe die zwaa gsdandn, wu er nedd gekennd hodd und konnd nedd! Woehrscheinlich hodders ze lang zerügg khaldn - es is nedd ganga, su orch wieer a gedrüggd hodd.
Die zwa homm dann aus Daggdgefühl es bfeifm ôgfangd.
Sie mussdn obber a boer Lieder bfeifm, bis endlich ganga is und nimmer aufkhörd hodd.

Eds wenner über denn Nammidouch nouchdengd, mahnder, dess schönsda woer die Erleichderung!

Biggi