DER BIGGI IHR BLOG

Berufe

Ich kenn ann, middemm bi ich sugoer verwand, der ärberd ômm, odder middn Delefohn. Gleich zefrüh machder sein Läbdobb (laptop) ô, nuch bevorer sich die Zäi gebudsd hodd. Dou schauder sich seina 200 Imehls (e-mails) ô, wurer über Nochd grichd hodd.
Nebebei werd Kaffe gedrungn und woss gessn.
Sbäider hädder dann nuch ann Kôhl (call) dou däidn sa dann widder auf na rummhaggn. Er griched dann ann Einlauf, sochder.
Und ze Nochd isser fixaferdich.

Dou ärber ich doch lieber aufm Bau.
Wennich zenochd fe der Bausdell hamm gi, dann dreh ich mich nuch amoll rumm,
schau mer mei Ärberd ô und souch:
"Naja, dess Fensder hängd eds aweng grumm drinna, obber dess grieng mer benn Budsn". Und dess kô ich mer (wenn des Haus sulang sdedd) nuch in zwansich Joehr ôschaua - obber woss issn fe derrer Delefon Ärberd dann nuch dou?

Biggi