DER BIGGI IHR BLOG

Fer mein Fän aus Augsburch

Ich bi ja ned die Fraa, wu middn Händy auf der Sdross rum rennd, bluß demidd die Leud dengn: "Aha, die hodd a aans"!
Ich hobb werglich aans und ich schenier mich jedesmoll gans orch, wenns schelld und ich bi in der Öffendlichkeid.
Walls hald bluß su a glaans Händy is, wumerr weider nix wie delefoniern kô.
Ich machs ja a blußner in Noudfäll ô, wenn dess Benzin alla is, odder su.
Eds hobbich die Wochn venn Weldbild ann Kadaloch grichd. Gleich inna, auf die erschdn Seidn hommsa a Ôhngeboud ve ann Smardphon khobbd:
Samsung Gäläxi S4 mini fer 25,00 Euro.
Wasd wossich dou gleich gedochd hou?
Dess kô nix Gscheids sah, wenn desssu billich iss.

Ich wolld groud unnern Händyverkäufer aus der Verwanddschafd ôrufm, dou les ich, dessa venn Weldbild aus 25 solcha Smardphons verlousn däidn und jeder Gewinner müssed dann bluß 25 Euro zohln, sdadd 529 - wall suvill kosded ahns.

Bi ich fruh, dessich nedd ôgerufm hou - der häddmich bluß ausgelachd und ich grieched dess widder monadelang ze hörn.

Biggi