DER BIGGI IHR BLOG

Schreibdisch

Ich bi venn Schreibdisch gfalln.
Nedd auf der Ärberd, in mein Großraumbüro, sondern dahamm, benn dabbeziern.
Der Schreibdisch woer schö midd Blasdigg eigebaggd und ich hou middn rechdn Baa drauf gsdandn und wolld middn annern die Ladder her ziehng.
Dann is der Blasdigg Dreeg devô gerudschd und ich hobb an Sbagaad gemachd, in der Lufd, wie der Winn Diesl.
Su a Bossidsion konndich freilich nedd lang haldn, mei Körber hodd nouchgehm und ich bi aufm Buudn gegrachd.
Wedder hoddes wieh gedôh!
Ich hou ja gedochd, dess dess Bah gebrochn is.
Obber nix dou - bluß a grußer, schwarzer Flegg is woern.
Denn ich a ned ann jäidn zeing kô, wall in mein Alder läßd merr ja a nimmer su schnell die Huusn runder.

Biggi