DER BIGGI IHR BLOG

Die Sauberkeid

Mei Büro is gleich nebe die Doileddn.
Meisdns hobbich ja die Dür auf - wechen Kondaggd midder Bevölgerung und aus Angsd dessich velleichd erschdigg und kahns grichds mied.
Dou höersda fasd alles - also wenn die Leud vorna ô die Waschbeggn sdenga. Meisdns hörsda ja goernix, wallsa sich die Händ nedd waschn, a gans feina, rausgebudsda Weiber nedd.
Neulich hodd a Kind gerufm:" Hände waschn", obber die Mudder hodd denn Brodesd einfôch ignorierd und gemahnd, dessa dess nedd braung. Dess Kind hodd fasd gegrinna, obber die Mudder hodd bluß auf denn Gnubf venn Händedruggner khaud und dess Gung ausm Glou gezung.
Wenn die Leud sich die Händ nedd waschn, worum haua sa dann auf denn Gebläsegnubf venn Händedruggner? Odder wissn sa, dess mich der Grawall zer Weißgluud bringd?
Ôm libbsdn däid ich ja denn Gnubf midd Scheißdreeg eischmiern - wenn dess mei Kino wäer.
Dann däidn sich die Leud vielleichd denouch die Händ waschn, nouchdem sa den Händedruggner gedrüggd häddn.

Biggi