DER BIGGI IHR BLOG

Sauna

Ahner ve meina Bumm is neis Fiddness Sdudio und denouch in die Sauna.
Die wolldn scho zumachn, wall gleich Feierôhmd woer.
Er is nouch sein ledsdn Gông ougeduschd nuch amoll nein Gaddn, ô die frischa Lufd ganga.
Dou hommsa die Sauna zugsberrd.
Es hodd aweng gedauerd, bissna dess aufgfalln is.
No hodder hald nô die Dür gebummberd.
Hodd kahns khörd.
Sei Schwäichera woer a in denn Fiddness Sdudio, derrer is die Globferei scho aufgfalln, hodd obber nedd gewussd wu dess her kummd.
Derweil is mei Bu langsam zer Stross vor geloffm und hodd ô die Fensder geglobfd.
Er hoddja nedd amoll ann Waschlabbm debei khodd, geschweige denn a Honduch.

Ich wass nedd obber dann venn Haubdeingông nei is, odder ob sich ahns derbarmd hodd und er dorfd durchn Gaddn zerügg.
Lieber frouch ich na nedd.
Die Wundn senn nuch ze frisch.

Biggi